Երեկ Հանրապետության հրապարակում հանրահավաքից հետո Սրբազան շարժման առաջնորդ Բագրատ արքեպիսկոպոս Գալստանյանը աջակիցների հետ գնաց Հանրային հեռուստաընկերություն։
Հ1-ի ղեկավարության հետ բանակցություններից հետո Բագրատ Սրբազանը նախ ուղիղ եթերում ուղերձով հանդես եկավ, այնուհետև պատասխանեց Պետրոս Ղազարյանի հարցերին։
Պետրոս Ղազարյանը փորձեց նախ ճշտել Բագրատ Սրբազանի տեսակետը նոյեմբերի 9-ի փաստաթղթի 9-րդ կետի մասին և մեղադրել Սրբազանին, որ աղճատել է Փաշինյանի ասածները՝ օրինակ այն մասին, որ Արցախը թոկ է եղել Հայաստանի վզին։
Բագրատ Սրբազանը նաև պատասխանեց Պետրոս Ղազարյանի հարցին՝ ինչո՞ւ չէր խոսում այն ժամանակ, երբ նախկին իշխանությունների օրոք բանակը թալանում էին և ընտրակեղծարարությունների դիմում։
Բագրատ Սրբազանն էլ ասաց, թե հիմա կոռուպցիան ավելի է աճել և անուններ նշեց՝ օրինակ ՊՆ նախարար Սուրեն Պապիկյան, երբ Ազատ գյուղում կացարան այրվելուց հետո նոր բնակարան է ձեռք բերում։
Պետրոս Ղազարյանի հարցին՝ ինչու է հանդիպել Սերժ Սարգսյանի և Ռոբերտ Քոչարյանի հետ, Բագրատ Սրբազանն ասաց, որ դա որևէ մեկի գործը չէ՝ ինչ է քննարկել նախկին նախագահների հետ։
Հարցազրույցի վերջում արդեն Բագրատ Սրբազանը հայտարարեց, որ կիրակի օրը Հանրապետության հրապարակում հերթական հավաքն է տեղի ունենալու։
Մանրամասները՝ տեսանյութում։
Քրիստինա Մուշեղյան
.gif)
