ԲՀԿ առաջնորդ Գագիկ Ծառուկյանն այսօր հարցազրույցով է հանդես եկել և խոսել 4 ուժերի համագործակցության մասին, սակայն դարձյալ որևէ հստակ բան չի ասել Ծառուկյանը, ավելին` անգամ վարչապետի հրաժարականից հետո ԲՀԿ-ն կարծես թե չի հստակեցնում իր ուղղվածությունը քաղաքական դաշտում:
Արդյո՞ք այս անհստակությունը չի խոչընդոտում և առիթ չի կարող դառնալ քաղաքական ուժերից «Ժառանգությանը» հետագա համագործակցությունը շարունակելու համար:
«Իհարկե, ստեղծում է այդ առիթը, քանի որ ընդդիմադիր ուժի սահմանումը կարծեք թե հայտնի է ` ձգտել ու հասնել իշխանության, իրականացնել սեփական ծրագրերը: ԲՀԿ-ի պարագայում «ոչ իշխանական» կամ «այլընտրանքային» ձևակերպումը եղանակ է դառնում խուսափելու ընդդիմադիր դիրքորոշումից, հետևաբար ԲՀԿ-ը իր սահմանումով ավելի նեղ դաշտում է գործում, քան ՀԱԿ-ը, «Ժառանգությունը»»,- ասաց Սաֆարյանը:
-Ի՞նչն է պատճառը, որ ԲՀԿ-ը չի հստակեցնում իր դիրքորոշումը:
-Էլ ինչ հստակեցնի, կարծում եմ` հստակեցրել է. ամիսներ շարունակ կրկնում են` կառավարության հրաժարականից անդին հարց չկա: Նրանք ասել են` իրենց օրակարգում նախագահի հրաժարականի հարց չկա: Հետևաբար, այս դեպքում համագործակցության դաշտը փոքրանում է: Մենք որևէ կերպ չենք անդրադարձել Տիգրան Սարգսյանի հրաժարականին: Մեր ստրատեգիայի համաձայն` վերից վար պետք է կատարել համակարգային փոփոխություններ: Կառավարության հրաժարականից հետո մենք ունենք դատարկություն:
-Հիմա կառավարության հրաժարականից հետո ինչի շուրջ է բանակցելու «Ժառանգությունը» ԲՀԿ-ի ու 2 ուժերի հետ:
-Հստակեցնելու խնդիր ունեն այն ուժերը, որոնք իրենց օրակարգում այլ խնդիր չեն դրել: «Ժառանգությունը» նման խնդիր չունի:
Սոնա Դավթյան
.gif)
