ՏԵՍԱՆՅՈՒԹ․ Շարունակվում են արցախցիների հետ հանդիպում-քննարկումները

Արցախցիների իրավունքների պաշտպանության խորհուրդի ներկայացուցիչների հետ հանդիպում-քննարկումները շարունակվում են։

Այսօր՝ ժամը 13։00-ին, Ազատության հրապարակում տեղադրված վրանում արցախցիների հետ հանդիպում-քննարկում է տեղի ունեալու Երևանի նախկին քաղաքապետ, Հայոց աշխարհազոր ռազմահայրենասիրական միավորման նախագահ Ալբերտ Բազեյանի, ինչպես նաև «Համահայկական ազգային միասնություն խորհուրդ»-ի ներկայացուցիչների հետ։

Ժամը 16։00-ին հանդիպում-քննարկում է սպասվում «Միասին» կուսակցության ներկայացուցիչների հետ։

Հիշեցնենք, որ մարտի 29-ին տեղի ունեցած մեծ հանրահավաքից հետո Արցախցիների իրավունքների պաշտպանության խորհուրդը վրան է տեղադրել Ազատության հրապարակում և նստացույց սկսել, ինչից հետո խորհուրդի ներկայացուցիչները Կառավարությունում հանդիպում-քննարկում են ունեցել փոխվարչապետ Տիգրան Խաչատրյանի հետ։ Չբավարարելով խորհրդի պահանջներն՝ արցախցիները շարունակում են նստացույցը և տարբեր քաղաքական ուժերի, հասարակական կուսակցությունների հետ հանդիպում-քննարկումները։

Հիշեցնենք նաև այն, որ քննարկումները տեղի են ունեցել Արցախի քաղաքական ուժերի՝ «Արդարություն և վերադարձ» հասարակական կազմակերպության, «Հայ յեղափոխական դաշնակցություն» կուսակցության և «Ազատ հայրենիք» կուսակցության ներկայացուցիչների հետ։

Մանրամասները՝ տեսանյութում։

Նանիկ Աղասյան