Խառը մենամարտերի UFC առաջնության նախագահ Դանա Ուայթը պարզաբանել է, թե ինչու թեթև քաշային կարգում (70 կգ) UFC դասակարգման առաջին համար Արման Ծառուկյանը (Հայաստան) չեմպիոնական մենամարտ չի ստացել:
«Մի շարք հանգամանքների պատճառով է այս որոշումը կայացվել: Պատճառներից մեկն էլ Դեն Հուքերի հետ հայացքների մենամարտի ժամանակ դեմքին գլխով հարվածելն էր: Թեկնածուների ընտրության ժամանակ մեզ համար կարևոր են տարբեր հանգամանքներ, այդ թվում՝ մարտիկի վարքագիծը, որը նույնպես դեր ունի», – ասել է Դանա Ուայթը Spinnin Backfist-ին տված հարցազրույցում։
Հունվարի 24-ին ժամանակավոր գոտու համար կմենամարտեն Փեդի Փիմբլեթը և Ջասթին Գեթժին:
Նշենք, որ նախորդ տարվա հունվարին Արման Ծարուկյանը պետք է չեմպիոնական մենամարտ անցկացներ ռուսաստանցի Իսլամ Մախաչևի հետ, սակայն հայ մարտիկը հրաժարվեց մենամարտից մեջքի վնասվածքի պատճառով։
Սպասվում էր, որ դասակարգման 6-րդ համար, նորզելանդացի Դեն Հուքերի նկատմամբ հաղթանակից հետո Արման Ծառուկյանը կստանա չեմպիոնական մենամարտի հնարավորություն, սակայն այս քաշային կարգում UFC չեմպիոն Իլիյա Տոպուրիան հայտարարեց, որ ընտանեկան խնդիրների պատճառով կես տարի չի մենամարտելու։
.gif)
