Իլոն Մասկի America PAC-ը սկսել է ակտիվորեն ֆինանսավորել ԱՄՆ-ում հանրապետական թեկնածուներին՝ միջանկյալ ընտրություններից առաջ։ Վերջին բացահայտման համաձայն՝ PAC-ը ավելի քան 800 հազար դոլար է ծախսել Սենատի յոթ և Ներկայացուցիչների պալատի մի շարք մրցակցային ընտրություններում։
Ծախսերի մեծ մասը՝ մոտ 247 հազար դոլար, ուղղվել է Տեխասում հանրապետական Քեն Փաքսթոնին աջակցելուն և դեմոկրատ Ջեյմս Թալարիկոյին հակազդելուն։ Միջոցներ են հատկացվել նաև Մենում, Օհայոյում, Նյու Հեմփշիրում, Այովայում, Միչիգանում և Ալյասկայում հանրապետական թեկնածուներին աջակցելու համար։
Ծախսերը հիմնականում ուղղվել են փոստային քարոզչական նյութերի պատրաստմանը։ Մասկը, որը 2024 թվականին հարյուրավոր միլիոններ էր ծախսել հանրապետականների աջակցման համար, նախկինում հայտարարել էր, որ քաղաքականության վրա այլևս «շատ ավելի քիչ» գումար կծախսի։ Սակայն այժմ նրա PAC-ը կարող է մինչև 120 միլիոն դոլար ուղղել հանրապետականների՝ նոյեմբերյան ընտրություններում հաղթանակին նպաստելու համար։
.gif)
