ՏԵՍԱՆՅՈՒԹ․ «Քնելուց առաջ գնացեք մտածեք» տիկինը դիմեց ոստիկաններին

ԱԱԾ շենքի մոտ բողոքի ակցիա էր, մասնակիցները պահանջում են ՀՀ պետական սահմանը ապօրինի հատած և երեխաների ներկայությամբ հայ կնոջ վրա կրակած ադրբեջանցի զինծառայողին կալանավոր, չարտահանձնեն Ադրբեջանին կամ փոխանակել գերիի հետ։

ԱԺ ընդդիմադիր պատգամավոր Գառնիկ Դանիելյանը նշեց, որ այս հարցի լուծումը չպետք է ակնկալել միջազգային գործընկերներից։

Նշենք, որ Դատախազությունը հայտնել է, որ դեպքով նախաձեռնվել է քրեական վարույթ՝ Քրեական օրենսգրքի 166-րդ հոդվածի 2-րդ մասի 6-րդ կետով (զենքի գործադրմամբ առողջությանը ծանր վնաս հասցնելը), 335-րդ հոդվածի 1-ին մասով (հրազենի ապօրինի շրջանառությունը) և 207-րդ հոդվածի 1-ին մասով (բնակարանի անձեռնմխելիությունը խախտելը):

Նույն դեպքով նախաձեռնվել է ևս մեկ քրեական վարույթ՝ Քրեական օրենսգրքի 469-րդ հոդվածի 1-ին մասով (պետական սահմանն ապօրինի հատելը) և 340-րդ հոդվածի 1-ին մասով (հրազենի մաքսանենգություն): Նախաձեռնված այս վարույթը միացվել է մայր վարույթին:

Քննչականը հայնել է, որ Քրեական վարույթի շրջանակում Ադրբեջանի Հանրապետության քաղաքացի Նասիմի Ռահիմ Օղլի Մուսաևի նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան:

Առողջապահության նախարար Անահիտ Ավանեսյանն էլ հայտնել էր․՝ «Տուժած կնոջ առողջական վիճակը կայուն է, ստանում է անհրաժեշտ և վիճակին համարժեք բուժօգնություն. կյանքին սպառնացող վտանգ չունենք:

Երեխաների առողջական վիճակը գնահատվում է բավարար: Ստացել են անհրաժեշտ հոգեբանական և բժշկական օգնություն»։

Սոնա Գրիգորյան

Մանրամասները՝ տեսանյութում․