Աշխարհի ամենաբարձր աշտարակը կունենա Ադրբեջանը

Ադրբեջանում կառուցվելու է ավելի քան 1 կիլոմետր բարձրություն ունեցող շենք։ Նախագիծն իրականացնում է Avesta կոնցեռնը։ Շենքը կառուցվելու է Կասպիցի Khazar կղզում։ “Ադրբեջանի աշտարակ” (Azerbaijan Tower) բարձրությունը կազմելու է 1050 մետր։ Այն  ունենալու է 185 հարկ եւ 200 մետրով գերազանցելու է Դուբայում կառուցված Burj Khalifa աշտարակին, որը ներկայիս դրությամբ աշխարհի ամենաբարձր շինությունն է։ “Ադրբեջանի աշտարակը” շահագործման կհանձնվի 2018-2019 թվականներին։