«Իրատես de facto» թերթը զրուցել է ԲՀԿ խմբակցության պատգամավոր Գրիշա Մարգարյանի հետ։ Հատված հարցազրույցից.
«Պարոն Մարգարյան, անվերջ զրույցներ կան, որ ԲՀԿ գործարարները դուրս են գալիս ԲՀԿ-ից, դուրս են գալիս:
Որտեղի՞ց եք նման բան լսել: Առաջին անգամ Ձեզնից եմ լսում, հերյուրանքներ են: Դուք դարձյալ հերյուրում եք:
Հերյուրո՞ւմ եմ:
Այո՛:
Վախենում եք առյուծներից, դրա՞ համար դուրս չեք գալիս ԲՀԿ-ից:
Ո՞ր առյուծներից:
Կոլյայիչի:
Ես, ճիշտն ասած, առաջին անգամ եմ լսում նմանատիպ բաներ:
Առյուծների մասին առաջին անգա՞մ եք լսում:
Ոչ, առյուծների մասին չէ խոսքը, պատգամավորը ինչ գործ ունի առյուծների հետ:
Ես էլ եմ էդ ասում։ Կամ էլ` ֆրակցիայի ղեկավարի ինչի՞ն է պետք` առյուծներ է պահում:
Չէ, չէ, էդ որ առյուծ է պահում, լավ է անում, սիրում է այդ կենդանուն, պահում է, միայն բարի մարդիկ կարող են կենդանիներ պահել, որևէ մեկը այդ հարցը չի կարող քննարկման ենթարկել:
Հա, էլի, ճիշտ եք ասում, կարող է՝ առյուծներն էլ են մարդ, կարող է՝ իրենք էլ հոգի ունեն:
Հնարավոր չէ` մարդ լինեն, հոգի ունենան, իրենք մարդ կարող են լինել ոմանց համար, բայց նրանք կենդանիներ են:
Իսկ Դուք ոչ մի կենդանի չե՞ք պահում:
Ոչ:
Գոնե կատու պահեք, թե չէ կմտածեն՝ բարի մարդ չեք:
Սեփական տանը որ ապրում էի, պահում էի կենդանիներ, հիմա բնակարանում եմ ապրում, հնարավոր չէ»:
Առավել մանրամասն` թերթի այսօրվա համարում:
.gif)
