Անգլիայի ազգային հավաքականի նախկին ֆուտբոլիստ Մայքլ Օուենը GOAL.com-ի հետ հարցազրույցում խոսել է «Ռեալի» հարձակվող Կրիշտիանու Ռոնալդուի որակների մասին:
Հիշեցնենք, որ հենց GOAL.com-ի վարկածով՝ Ռոնալդուն արժանացել է 2013/14թթ. մրցաշրջանի «Լավագույն ֆուտբոլիստ» մրցանակին:
«Որպես լիակատար ֆուտբոլիստ՝ Ռոնալդուն, թերևս, լավագույնն է ֆուտբոլի պատմության մեջ: Նա արագ է, գոլեր է հեղինակում, երկու ոտքերն էլ հավասարապես օգտագործում է, հնարքների է տիրապետում և կարող է գոլի հեղինակ դառնալ գլխի հարվածով:
Նա շատ ամուր ֆուտբոլիստ է և իր որակները ցուցադրում է ամեն խաղում: Չկա մի բան, որը նա չկարողանա անել»,- ասել է Օուենը:
.gif)
