«Դպրոց չունինք, գազ չունինք, մանկապարտեզ չունինք, ճամփա չունինք, տելեվիզր չունինք, ջուր չունինք, հող չունինք, ժողովուրդն էլ սոված է: Մի խոսքով, ոչ մի բան էլ չունինք: Ամեն տարի կառավարությունից խոստանում են՝ էս տարի էս հարցը կլուծենք, էն մյուս տարի՝ էն մյուս հարցը, բայց էդպես էլ դրանք մնում են օդում: Սահմանի բերնին վիճակն անհուսալի է ու լարված: Խայտառակ դրություն է, գյուլլեն ճակատներիս՝ ապրում ենք, էլի՜: Վախը սրտներումս ապրե՞լ կլինի»,-«Ժողովուրդ»-ի հետ զրույցում այսպես ներկայացրեց Տավուշի մարզի Բերքաբեր համայնքի վիճակը գյուղապետ ղեկավար Սուրեն Խուդավերդյանը: Նշենք, որ Ադրբեջանից 300 մ հեռավորության վրա գտնվող հայկական այս համայնքը բնաջնջման եզրին է: Դա է հուշում շարունակվող մասսայական արտագաղթը: Բնակիչներից մեկն էլ մեզ հետ զրույցում բողոքեց. «Մեր գեղըմը մենակ սպուտնիկովի ալիք ենք նայում, էն էլ մենակ Ադրբեջանի 5 ալիք ա բռնում: Հայկականն էնքան վատն ա, որ եթե կնիկս տելեվիզրով ելույթ ունենա, իրան չեմ ճանաչի: Բա դա ձե՞ւ ա»:
.gif)
