Armlur.am-ի տեղեկություններով` քիչ առաջ բերման է ենթարկվել Սյունիքի մարզպետ Սուրիկ Խաչատրյանի թիկնապահ Զարզանդ Նիկողոսյանը: Մեզ հայտնի դարձավ նաև, որ կհարուցվի քրեական գործ:
Նշենք, որ անցած գիշեր՝ ժամը 03-ի սահմաններում, հարձակում է տեղի ունեցել Սյունիքի մարզպետի դեմ մահափորձի գործով մեղադրյալ Կարեն Աթաջանյանի որդու՝ Մհեր Աթաջանյանի՝ Կապան քաղաքի Հունան Ավետիսյան 1 հասցեում գտնվող խանութի վրա, կոտրել են խանութի ապակիները, դռները:
Քննության հայտնած տվյալների համաձայն՝ կատարողը Զարզանդ Նիկողոսյանն է:
Դեպքի առթիվ Կապանի ոստիկանության բաժնում նյութեր են նախապատրաստվում այս պահի դրությամբ դեռևս գույքի դիտավորյալ ոչնչացման դեպքի կապակցությամբ:
Ոստիկանությունից Armlur.am-ը տեղեկանում է, որ ոստիկանության Կապանի բաժնի շրջիկ ծառայություն իրականացնող խմբի ծառայողները Կապան քաղաքի Հ. Ավետիսյան փողոցում նկատել են մի քաղաքացու, ով քարով հարվածել և կոտրել է նշված փողոցի թիվ 1 հասցեում գործող մթերային խանութ-սրահի մուտքի ապակե դուռը և դիմել փախուստի:
Ոստիկանության ծառայողները հետապնդել և բերման են ենթարկել վերջինիս:
Պարզվել է, որ նշված անձը 1978 թ. ծնված Զարզանդ Ն.-ն է:
Նշանակվել է ապրանքագիտական փորձաքննություն:
Կատարվում է հետաքննություն:
.gif)
