Հանդիպման ընթացքում քննարկվել է 2014թ. ամռանը Շանգալի սարսափելի իրադարձությունների ժամանակ տուժած Իրաքի եզդիների և քրիստոնյաների ապագան: Այդ ցեղասպանությունը կազմակերպվել է «Իսլամական պետություն» ահաբեկչական խմբավորման զինյալների կողմից:
Կազմակերպության նախագահ Ամո Շարոյանը դեսպանին խնդրել է, որպեսզի միջազգային հանրությունը հետևողականություն և պատասխանատվություն ցուցաբերի՝ եզդիների հանդեպ ցեղասպանությունը, կանանց առևանգումն ու երեխաների ստրկությունը դադարեցնելու համար:
Դեսպանը նշել է, որ ներկա դրությամբ եզդիների կյանքը շարունակում է վտանգի տակ մնալ:
Շարոյանը նշել է, որ Իրաքի կրոնական փոքրամասնությունների խնդիրները կարող են լուծվել միայն եզդիների և քրիստոնյաների համար առանձին տարածաշրջան ստեղծելու դեպքում:
Ամո Շարոյանը շնորհակալություն է հայտնել եզդի փախստականներին ցուցաբերված աջակցության և մարդասիրական օգնության համար:
.gif)
