Արդեն հայտնել էինք, որ հանրահավաքից հետո «Նոր Հայաստան» հանրային փրկության ճակատները երթ սկսեցին Երևանի փողոցներով: Երթի մասնակիցները գնացին Մելիք-Ադամյան փողոց, որտեղ գտնվում է Հայաստանի Հանրապետական կուսակցության շենքը, որտեղ, սակայն ոստիկանները պատ կազմեցին և թույլ չտվեցին առաջանալ: Մի պահ երթի մասնակիցների և ոստիկանների միջև բախում տեղի ունեցավ:
Երթի կազմակերպիչները երթը շարունակեցին Հանրապետության փողոցով՝ շրջանցելով Մելիք-Ադամյան փողոցը:
«Խնդրում եմ զերծ մնալ նման գործողություններից և շարունակել ձեր երթը, ոստիկանությունն էլ ձեզ հետ կքայլի և կապահովի քաղաքացիների անվտանգությունը»,– դիմելով Րաֆֆի Հովհաննիսյանին և Ժիրայր Սեֆիլյանին, ասաց Երևանի փոխոստիկանապետ Վալերի Օսիպյանը: Րաֆֆի Հովհաննիսյանին արգելեցին մոտենալ և ծաղկեփունջ դնել ՀՀԿ գրասենյակի մոտ:
.gif)
