Ապրիլի 25-ին, ժամը 12.48-ին տեղեկատվություն է ստացվել, որ ապրիլի 23-ի լույս 24-ի գիշերը տեղի ունեցած ցրտահարությունից վնասվել են Ամբերդ, Այգեշատ, Ծաղկունք, Ծիածան, Շահումյան, Արագած, Ծաղկալանջ, Հովտամեջ, Աղավնատուն, Հայթաղ, Ֆերիկ, Արշալույս, Ակնալիճ, Արեւաշատ, Խորոնկ, Արտիմետ, ք. էջմիածին, Դաշտ, Ոսկեհատ, Պտղունք, Մուսալեռ, Գեղակերտ, Գրիբայեդով, Դողս, Այգեկ, Նորակերտ, Բաղրամյան, Մրգաստան եւ Առատաշեն գյուղերի բանջարանաբոստանային կուլտուրաների զգալի մասը եւ խաղողի այգիների մի մասը:
ԱԻՆ լրատվական ծառայությունից հայտնում են, թե կազմվել է հանձնաժողով վնասի չափերը պարզելու նպատակով:
Դեպքի մասին տեղյակ է պահվել ՀՀ գյուղատնտեսության նախարարության ՃԿԿ պատասխանատու աշխատակիցը:
Ժամը 12.35-ին տեղեկատվություն է ստացվել, որ ապրիլի 24-ի լույս 25-ի գիշերը տեղի ունեցած ցրտահարությունից վնասվել են Վայոց ձորի մարզի Հերհեր գյուղի ցանկատարածքները եւ պտղատու այգիները:
Դեպքի մասին տեղյակ են պահվել մարզպետարանի գյուղվարչության պետը եւ ՀՀ գյուղատնտեսության նախարարության ՃԿԿ պատասխանատու աշխատակիցը:
.gif)
