Չինաստանի Խենան շրջանում ոչնչացրել են Մաո Ցզեդունի 36-մետրանոց արձանը, որի կառուցումն ավարտվել էր հունվարի 5-ին, գրում է lenta.ru-ն:
Տեղի պաշտոնյաների խոսքերով՝ հուշարձանը ոչնչացնելու պատճառն անհասկանալի է: Bangkok Post-ի վարկածի համաձայն՝ նախագիծը չի ստացել կառավարության կողմից հարկավոր հավանությունը, միևնույն ժամանակ չի նշվում, թե ինչու դրա ստեղծողները չեն խորհրդակցել երկրի ղեկավարության հետ աշխատանքները սկսելուց առաջ:
Ոսկեգույն ներկով ծածկված բետոնից և պողպատից հուշարձանի կառուցման վրա ծախսվելէ երեք միլիոն յուան (մոտ 460 հազար դոլար): Գումարը հավաքել են գյուղի բնակիչները, որի մոտակայքում էլ տեղադրվել է արձանը: Ենթադրվում էր, որ հուշարձանը կկարողանա զբոսաշրջիկների գրավել տարածաշրջան:
Մեկնաբանելով արձանի հայտնվելու մասին նորությունը՝ չինական սոցցանցերի օգտատերերը ծաղրում էին բետոնե Մաոյի լուսանկարները և գրում, որ հուշարձանը նման չէ պետական գործիչին:
.gif)
