Ֆրանսիայի նախագահ Ֆրանսուա Օլանդը մեկնաբանել է ավելի վաղ ջիհադիստների տարածած տեսանյութը, որում վերջիններս ներկայացրել են Փարիզի ահաբեկչությունների մասնակիցներին. փոխանցում է Europe 1-ը:
«Մեզ ոչինչ չի վախեցնի, ոչ մի սպառնալիք չի ստիպի Ֆրանսիային կասկածել նրանում, թե ինչպես պայքարել ահաբեկչության դեմ»,-հայտարարել է Օլանդը:
Ավելի վաղ «Իսլամական պետության» մամուլի կենտրոնը տեսանյութ էր հրապարակել, որում ներկայացրել էր 2015թ. նոյեմբերի 13-ին Փարիզի ահաբեկչությունների մասնակիցներին:
Տեսանյութում սպառնալիքներ են հնչել նաև Բրիտանիայի վարչապետ Դեվիդ Քեմերոնի հասցեին:
Թարգմանիչ՝ Քրիստինե Պողոսյան
.gif)
