Գերմանացիները պահանջում են Մերկելի հրաժարականը

Գերմանիայի քաղաքացիների առնվազն 40%-ը կցանկանար, որպեսզի կանցլեր Անգելա Մերկելը հրաժարական տար՝ Մերձավոր Արևելքից և Հյուսիսային Աֆրիկայից փախստականների ընդունման իր քաղաքականության պատճառով: Այս մասին վկայում են Focus ամսագրի համար INSA հարցման արդյունքները:

Եվս 45,2%-ը համարում են, որ փախստականների հարցում Մերկելի գործողությունները չեն կարող նրա հրաժարականի պատճառ հանդիսանալ:

Ավելի վաղ Մերկելի համախոհ, Բավարիայի վարչապետ և Քրիստոնեասոցիալական միության առաջնորդ Հորսթ Զեեհոֆերը Մերկելին ուղղված սպառնալիքներով նամակում խոստանում էր դատել կանցլերին, եթե փախստականների հոսքը չդադարեցվի:

2015թ. Գերմանիան մոտ 1,1 մլն փախստական է ընդունել:

Թարգմանիչ՝ Քրիստինե Պողոսյան