Թուրքիայի տարածքից կրակ է բացվել սիրիացի զինծառայողների դիրքերի ուղղությամբ, ովքեր մարդասիրական օգնություն են տեղափոխում Լաթաքիա, գրում է Lifenews-ը:
Հրետակոծության արդյունքում 1 մարդ է վիրավորվել: Այս մասին հաստատել են նաև հենց տուժածները: Հրետակոծությունը տեղի է ունեցել այն պահին, երբ սիրիացիները մարդասիրական օգնություն էին տեղափոխում խաղաղ բնակիչների համար:
«Կրակ է բացվել Թուրքիայի տարածքից: Նրանք պարբերաբար գնդակոծում են մեր ստորաբաժանումների դիրքերը»,-պատմել է սիրիական բանակի զինծառայող Մուստաֆա Սալեմը:
Տեղի բնակիչները պատմում են, որ արդեն կես տարուց ավել ջուր և էլեկտրականություն չունեն: Քաղաքին հումանիտար աղետ է սպառնում: Զինծառայողները նրանց պարբերաբար մարդասիրական օգնություն են ուղարկում:
Թարգմանիչ՝ Քրիստինե Պողոսյան
.gif)
