ԵԹԵ ԱՌԱՋԱԴՐԵԼ Է, ՈՒՐԵՄՆ ԱՐԺԱՆԻ Է

Սեպտեմբերի 25-ին ՀՀ գլխավոր դատախազի պաշտոնակատար Արամ Թամազյանի հրամանով նշանակվել են Արդարադատության ակադեմիայի կառավարման խորհրդի երեք անդամները՝ ՀՀ գլխավոր դատախազի տեղակալ Արմեն Դանիելյանը՝ 4 տարի ժամկետով, Արագածոտնի մարզի դատախազ Հակոբ Մարտիրոսյանը՝ 3 տարի ժամկետով, եւ Շենգավիթ վարչական շրջանի դատախազ Արթուր Դավթյանը՝ 2 տարի ժամկետով: “Ժողովուրդ”-ն այս առիթով մի քանի հարց ուղղեց ՀՀ գլխավոր դատախազի տեղակալ Արմեն Դանիելյանին:

-Խորհուրդը, ինչպես համալսարանում կա, այնպես էլ այստեղ է. իրենք ընտրում են ակադեմիայի ռեկտորին, տարեկան բյուջեն են հաստատում, գործունեության կարգն են սահմանում: Խորհրդի որեւէ անդամ չի նշանակում ռեկտորին, այլ այդ խորհուրդը՝ որպես ներկայացուցչական մարմին, ընդամենը ռեկտորի տարեկան հաշվետվությունը նիստերի միջոցով, դատախազների, դատավորների, արդարադատության նախարարի կամ նրա տեղակալի ներկայությամբ քննարկում է այդ հարցադրումները:

-Իհարկե ոչ մի բան չի բացառվում, բայց եթե այդ պաշտոնում առաջադրվեց, բնականաբար, որպես խորհրդի անդամ՝ նրա լիազորությունները պետք է դադարեցվեն: Մենք հասարակական հիմունքներով ստեղծում ենք այդ ակադեմիայի կառավարումը:

-Պետք է լինել դատախազ, դա է խնդիրը: Երեք դատախազ, երեք դատավոր եւ արդարադատության նախարարը կամ նրա որոշմամբ` նախարարի տեղակալը, միասին քննարկում են բոլոր հարցերը: Ակադեմիայի մասին 5-րդ հոդվածը եթե կարդաք, ապա հստակ կտեսնեք այդ բաժանումները: Օրենքում կոնկրետ գրված են խորհրդի լիազորություններն ու գործառույթները, ու թե ինչով պետք է զբաղվի խորհրդի անդամը:

-Նախ պետք է հասկանալ, թե ինչ է նշանակում՝ դատախազն աշխատի դատախազության համակարգում եւ համարվի Ձեր կողմից նշված չընդունված մարդ: Անկեղծ ասած` այդ դիրքորոշումը չի կարող ճշմարիտ ու անկեղծ լինել: Եթե մարդն աշխատում է դատախազության համակարգում, արդեն իսկ դատախազության համակարգի համար ընդունելի է:

-Ով չի վստահում, ներողություն: Ձեր տեղեկությունն իրականությանը չի համապատասխանում:

-Եթե անկեղծ ասեմ, ապա կուզենայի իմանալ` արդյոք այդ միջադեպը եղել է, թե ոչ, քանի որ ես ինքս չգիտեմ՝ դա համապատասխանում է իրականությանը, թե ոչ: Ես այդ մասին տեղեկացել եմ մամուլից: Բայց կարծում եմ, որ պարոն Կոստանյանը երկու եւ ավելի տարիներ աշխատում է դատախազության համակարգում, ինքը դատախազությունում ունի հեղինակություն: Չի կարելի նման բաներ ասել, քանի որ դա իրական չէ, ճշմարիտ չէ ու ընդունված չէ: Կարծում եմ` անհիմն տեղեկություններ են:

-Նա գլխավոր դատախազության կոլեգիալ անդամ է, եւ ես որեւէ բացասական բան չեմ նկատել, եթե անկեղծ ասեմ, անհասկանալի է, թե որտեղից են նման տեղեկություններ տարածվում: Եթե ինչ-որ մեկն այլ տեղ այլ կարծիք է ներկայացրել, ապա խնդրում եմ՝ այդ մեկնաբանությունները պարոն Կոստանյանի՛ց հարցրեք:

-Անկեղծ ասած` այդ հարցն ինձ չպետք է ուղղեք, եթե հանրապետության նախագահն առաջադրել է, ուրեմն արժանի է: