Թուրքական ԶԼՄ-ները հայտնել են, որ Թուրքիայի նախագահ Ռեջեփ Թայիփ Էրդողանն ու ՌԴ նախագահ Վլադիմիր Պուտինը «շատ դրական և կառուցողական» զրույց են ունեցել:
Այս մասին հայտնել է Haberturk-ը՝ հղում անելով Թուրքիայի նախագահի ադմինիստրացիայի աղբյուրին:
Հաղորդվում է նաև, որ երկու երկրների առաջնորդների հեռախոսազրույցը տևել է 40 րոպե:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Սու-24-ի խոցման համար փոխհատուցման մասին համաձայնության կգան միայն հեռախոսազրույցից հետո: Հեռախոսազրույցից այլ մանրամասներ չեն հաղորդվում:
Հիշեցնենք, որ Պուտին-Էրդողան հեռախոսազրույցը հնարավոր է դարձել Էրդողանի ներողությունից հետո:
.gif)
