Թուրքիայի հարավում գտնվող զբոսաշրջային Կեմեր քաղաքը պատրաստ է փոխհատուցել Ռուսաստանին, գրում է «ՌԻԱ Նովոստի»-ն՝ հղում անելով տեղի իշխանություններին:
Կեմերի քաղաքապետարանը առաջարկել է տուն նվիրել խոցված Սու-24-ի օդաչու Օլեգ Պեշկովի ընտանիքին:
«Մենք ցանկանում ենք տուն նվիրել զոհված օդաչուի հարազատներին »,-գործակալության հետ զրույցում հայտնել են Կեմերի քաղաքապետարանում:
Ավելի վաղ Թուրքիայի նախագահի մամուլի քարտուղար Իբրահիմ Քալընը հայտարարել էր, որ թուրքական իշխանությունները պատրաստ են դիտարկել Պեշկովի ընտանիքի փոխհատուցման մասին հարցը, եթե վերջինս նման հարցումով դիմի:
.gif)
