Հնդկական սերիալը՝ Բանգլադեշում մասսայական ծեծկռտուքի և դանակահարության պատճառ

Զանգվածային ծեծկռտուք է տեղի ունեցել Բանգլադեշում հնդկական սերիալի պատճառով, հայտնում է eNews Channel Africa-ն:

Ավելի քան 100 մարդ վնասվածքներ է ստացել, նրանցից 15-ին հոսպիտալացրել են:

Ծեծկռտուքը տեղի է ունեցել Դխոլ գյուղում «Կիրանմալա» սերիալի նոր էպիզոդի մասին երկու տղամարդկանց վիճաբանության ժամանակ:

Լեզվակռիվը մի քանի հարյուրավոր մարդկանց մասնակցությամբ զանգվածային ծեծկռտուքի է վերածվել: Ծեծկռտուքի մասնակիցներից շատերը զինված են եղել փայտերով և դանակներով:

Ծեծկռտուքի ընթացքում վնաս է հասցվել նաև տեղի ռեստորանին: Կոնֆլիկտը կարողացել է դադարեցնել միայն ոստիկանությունը, որը ռետինե փամփուշտներով զենք է կիրառել: