Եվրասիական տնտեսական հանձնաժողովի (ԵՏՀ) ղեկավար Տիգրան Սարգսյանը, ով Վաշինգտոնում հոկտեմբերի 7-9-ը մասնակցել է Համաշխարհային բանկի (ՀԲ) և Արժույթի միջազգային հիմնադրամի (ԱՄՀ) ամենամյա հանդիպմանը, հանդիպել է Համաշխարհային բանկի՝ Եվրոպայի և Կենտրոնական Ասիայի տարածաշրջանների հարցերով փոխնախագահ Սիրիլ Մյուլերի հետ: Այս մասին ասվում է ԵՏՀ կայքում:
Կողմերը քննարկել են ՀԲ-ի և ԵՏՀ-ի միջև համագործակցության ամուր հիմքերի ստեղծումը:
Տիգրան Սարգսյանը նշել է տարածաշրջանում կայուն տնտեսական զարգացման ապահովման հարցում ՀԲ-ի և ԵՏՀ-ի ընդհանուր նպատակներն ու խնդիրները և հայտարարել է, որ 2017-2018 թթ. հանձնաժողովը Միության անդամ պետությունների գործնական ակտիվության աճ է կանխատեսում:
Իր հերթին, Սիրիլ Մյուլերը հայտարարել է, որ ԵՏՀ-ն կարող է կրկնապատկել ՀԲ-ի հետ աշխատանքների դրական արդյունքները:
ԵՏՀ կազմում են Հայաստանը, Բելառուսը, Ռուսաստանը, Ղրղզստանն ու Ղազախստանը: Հանձնաժողովի որոշումները պարտադիր են Միության երկրների համար:
.gif)
