Անժելիկ Կերբերը՝ տարվա թենիսիստուհի

Գերմանացի Անժելիկ Կերբերը WTA վարկածով ճանաչվել է տարվա թենիստուհի: Աշխարհի առաջին ռակետը քվեարկությունում ստացել է 50 ձայն:

Այս տարի գերմանուհին հաղթել է Ավստրալիայի ու ԱՄՆ-ի Բաց առաջնություններում,   ինչպես նաև դուրս եկել Ուիմբլդոնի եզրափակիչ: Կերբերը հաղթել է Շտուտգարտի մրցաշարում, ինչպես նաեւ նվաճել Ռիո-2016-ի արծաթե մեդալը:

Հիշեցնենք, որ 2012-ից 2015 թվականներին աշխարհի լավագույն թենիսիստուհի էր ճանաչվել Սերենա Ուիլյամսը: