Մեզանից շատերը զբաղվում են սպորտով, այցելում են մարզասրահներ, դիետաներ են պահում: Սակայն հետազոտությունները վկայում են, որ ամեն օր շարունակվող քայլքն ավելի օգտակար է ավելորդ կիլոգրամների դեմ պայքարում:
Adme.ru-ն պարզել է` ինչ կանոնների է պետք հետևել, որպեսզի քայլելը փոխարինի մի ամբողջ վարժությունների համալիրի:
Անցած ճանապարհը, ձեր արագությունն ու քաշը հիմնական ֆակտորներն են, որոնք ազդում են քայլելու ընթացքում ծախսած կալորիաների քանակի վրա: Որպեսզի լավ արդյունքի հասնեք, պետք է հետևեք հստակ ծրագրի:
Մոտավոր հաշվարկները կօգնեն Ձեզ կազմել ծրագիր, սակայն պետք է հաշվի առնել, որ ամեն ինչ կախված է անձնական յուրահատկություններից, կենսակերպից, սննդակարգից և առողջական վիճակից:
100 կկալ = 2000 քայլ = 1.6 կմ
1 կգ = 140 հազար քայլ = 7000 կկալ = 112 կմ
Միջոցներ զբոսանքի երկարությունը մեծացնելու համար.
- Հնարավորության դեպքում մի օգտվեք մեքենայից կամ ավտոբուսից,
- Տարեք և բերեք երեխաներին դպրոցից,
- Մի օգտվեք վերելակից կամ շարժասանդուղքից,
- Ավելի երկար զբոսնեք ընտանի կենդանիների հետ:
Որպեսզի զբոսանքն ավելի հետաքրքիր դարձնեք
- վերցրեք ձեզ հետ ընկերոջ,
- լսեք ձեր սիրելի երաժշտությունը կամ հետաքրքիր աուդիոգրքեր
- զբոսնեք տարբեր վայրերում:
Ցուրտ եղանակին կարող եք ձեր վարժությունները կատարել տանը, եթե վազքուղի ունեք: Դուք կարող եք դիտել սիրելի ֆիլմեր և այդ ընթացքում կորցնել ավելորդ քաշ:
Պետք է հաշվի առնել նաև քայլքի արագությունը:
- Մինչ 70 քայլ րոպեում
Առողջ մարդկանց վրա այս արագությունը գրեթե ազդեցություն չի ունենում: Այս արագությունը խորհուրդ է տրվում ինսուլտ և ինֆարկտ ունեցած մարդկանց:
- 71−90 քայլ րոպեում
Խորհուրդ է տրվում սիրտ-անոթային խնդիրներն ունեցող մարդկանց.
- 91−110 քայլ րոպեում
Այսպիսի զբոսանքը շոշափելի արդյունք կարող է ապահովել և համապատասխանում է առողջ մարդկանց:
- 111−130 քայլ րոպեում
Հիանալի մարզանք մարմնի համար, սակայն երկար ժամանակ այսպիսի տեմպ պահպանելը դժվար է նույնիսկ առողջ մարդկանց համար:
Սկսեք քիչ ծանրաբեռնվածությունից` քիչ-քիչ ավելի մեծացնելով քայլքի հաճախականությունը: Սկզբում այն պետք է մեծացնել քայլքի երկարության, իսկ այնուհետև արդեն արագության մեծացման հաշվին: Ծանրաբեռնվածությունը պետք է համապատասխանի ձեր առողջությանը:
Եթե հնարավորություն չունեք ամեն օր քայլելու, ապա արեք դա գոնե շաբաթական 2-3 անգամ: Քայլքով զբաղվել կարելի է օրվա ընթացքում ցանկացած ժամի, բայց ոչ շուտ, քան ուտելուց 1-1,5 ժամ հետո:
.gif)
