Երեկ առավոտվանից հոսանքազրկված է Վարդենիս քաղաքի այն թաղամասը, որտեղ գտնվում է Վարդենիսի ոստիկանությունը: Այսինքն, արդեն մեկ օր է պարալիզացված է այդ գերատեսչության աշխատանքը. բնակիչներն միայն կցկտուր լուրեր գիտեն, թե վթար է եղել:
Ըստ նրանց` համապատասխան մասնագետը պետք է Սևան քաղաքից ժամանի, որպեսզի խնդրին լուծում տա: Սակայն մինչ հիմա ոչ մասնագետ է ժամանել, ոչ էլ բնակիչներին որևէ ինֆորմացիա է տրամադրվել:
Ստացվում է` մեկ օր է ինչ ՀԷՑ-ը չի կարողանում վերականգնել Վարդենիսի այդ թաղամասի էլեկտրաէներգիան և սպասում է մասնագետի: ArmLur.am-ը ժամեր առաջ դիմել էր ՀԷՑ` հասկանալու համար, թե ինչ է թաղամասի հոսանքազրկման պատճառը: Ընդամենը րոպեներ առաջ, մեզ պատասխանեցին, որ 10 ԿՎ մալուխագծի վնասում է տեղի ունեցել: Գիշերվանից աշխատում են, արդեն մոտ 30 րոպեի ընթացքում կվերականգնվի բաժանորդների էլեկտրամատակարարումը:
Աշխարհի ոչ մի քաղաքակիրթ երկիր իր բաժանորդների հետ նման կերպ չեն վարվում:
.gif)
