Նռնակով զինված տղամարդը փորձել է ներխուժել Կառավարության շենք։
«Ազատություն» ռադիոկայանի թղթակցին այս մասին հայտնել է ՀՀ փոխվարչապետի պաշտոնակատար Տիգրան Ավինյանը:
Կառավարության շենքի հարակից տարածքում նկատվում են ոստիկանության և շտապօգնության ավտոմեքենաներ։ Տեղում աշխատել է նաև մեկ մարտական հաշվարկ ՀՀ ԱԻՆ-ից, որն արդեն հեռացել է:
Ոստիկանության աշխատակիցները զինված քաղաքացուն մեկուսացրել են: Նախնական տվյալների համաձայն՝ նրան բերման են ենթարկել Ազգային անվտանգության ծառայություն:
Ոստիկանությունը և ԱԱԾ-ն այս մասին ոչինչ դեռևս չեն հաղորդում:
.gif)
