«ԺՈՂՈՎՈՒՐԴ» ԹԵՐԹԻ 60 ՀԱՄԱՐԸ

Կրթության եւ գիտության նախարարության տվյալներով` մարզերի համայնքների 2/3-ը մանկապարտեզներ չունեն, թեեւ նախադպրոցական կրթության ապահովումը տեղական ինքնակառավարման օրենքով հռչակված է իբրեւ համայնքապետի առաջին պարտականություն: Ամենամեծ մարզում` Գեղարքունիքում, 37 մանկապարտեզ է գործում: «Ռեկորդակիրները» ընդամենը  26 մանկապարտեզ ունեցող Արագածոտնի  եւ 17 մանկապարտեզ ունեցող Վայոց Ձորի  մարզերն են: Վիճակը համեմատաբար բարվոք է Արարատի` 69, Լոռու` 64, Արմավիրի` 56 մանկապարտեզներ …

Ոստիկանության անձնագրերի եւ վիզաների վարչության Նոյեմբերյանի  գրասենյակի առաջ ամեն օր` վաղ առավոտից, մեծ հերթեր են գոյանում: Դրա պատճառը տարածաշրջանի համայնքներում մարդկանց գրանցման վայրի նշումների հազարավոր սխալներն են, նաեւ այն, որ այժմ ընտանեկան նպաստ ստանալու համար բնակության վայրի մասին տեղեկանք  տրամադրում է  ոչ թե տվյալ համայնքապետարանը, այլ ոստիկանության անձնագրային բաժինը:

ԱԺ արտաքին հարաբերությունների հանձնաժողովը հրատարակել է «Հայ-թուրքական հարաբերություններ. հիմնախնդիրներ եւ հեռանկարներ» ժողովածուն: Դրանում զետեղված են հայ-թուրքական հարաբերությունների վերաբերյալ 2007 թվականի դեկտեմբերի 10-20-ը կազմակերպված հասարակական լսումների ելույթներ, քարտեզներ, լուսանկարներ, պատմագիտական փաստաթղթեր, որոնցից ամենահինը 1856 թվականի Փարիզի խաղաղության պայմանագրից  քաղվածք է,  իսկ ամենանորը  հայ-թուրքական զույգ արձանագրություններն են: Երեկ ԱԺ-ում գրքի շնորհանդեսի ժամանակ դաշնակցական Վահան Հովհաննիսյանը, հայտարարելով, որ  …

Երեւանում ավտոբուսների եւ միկրոավտոբուսների վարորդների դեֆիցիտ կա: Երեկ լրագրողների հետ հանդիպման ժամանակ ասել է Երեւանի քաղաքապետարանի տրանսպորտի վարչության պետ Հենրիկ Նավասարդյանը` անդրադառնալով լրագրողի այն հարցին, թե արդյոք միկրոավտոբուսներից ավտոբուսների անցնելու դեպքում գործազրկության հարց չի առաջանալու: «Մենք Երեւան քաղաքում ունենք վարորդների շատ դեֆիցիտ, մենք ունենք  միկրոավտոբուս կամ ավտոբուս առանց վարորդի, ես կոչ եմ անում մեր վարորդներին, …

Լեգենդար ծանրամարտիկ, Հայաստանի նախագահի` սպորտի հարցերով խորհրդական Յուրի Վարդանյանը ապրիլի 20-ին «Էրեբունի» բժշկական կենտրոնում վիրահատվել է: Վարդանյանի ոտքի ազդրը Մոսկվայում կրկնակի կոտրվել է, որից հետո եկել է Երեւան ու ենթարկվել  վիրահատության: Սակայն վիրահատության ընթացքում տեղի է ունեցել սուր սրտանոթային անբավարարվածության էպիզոդ, որի հետ կապված՝ վիրահատական որոշ ծավալ հետաձգվել է: Ավելի ուշ, երբ վերականգնվել են բոլոր …

Ասում են` ով կարողանա առանց վթարի անցնել Իջեւան քաղաքի կենտրոնական` շուկային հարող տարածքը,  աշխարհի ցանկացած վայրում կարող է անփորձանք երթեւեկել: Այստեղ մեծ է մեքենաների ու մարդկանց շարժը: Միջպետական ճանապարհի այս հատվածում հաճախ են վթարներ լինում: Սակայն հետիոտնի համար գոնե մի գծանշում չկա, եւ մարդիկ ստիպված են փողոցն անցնելու համար իրենց կյանքը վտանգել:

Տավուշի մարզի համայնքապետարանների մեծ մասն օրենսդրական նոր փոփոխություններին, այս կամ այն խնդրի վերաբերյալ կառավարության ընդունած որոշումներին անտեղյակ է, մարզպետարան-համայնքապետարաններ տեղեկատվության փոխանակումը դանդաղ է կատարվում: Տավուշի մարզպետ Արմեն Ղուլարյանը մարզխորհրդի վերջին  նիստում հայտարարեց, որ օպերատիվ կարգով  համայնքներից մարզպետարան տարբեր հաշվետվություններ ներկայացնելու, մարզպետարանից  համայնքներ օրենքների փոփոխությունների, կառավարության որոշումների վերաբերյալ տեղեկատվություն  ուղարկելու համար հարկավոր է օգտագործել էլեկտրոնային կապը: …

«Դիլիջան»  ազգային պարկի տնօրեն     Աշոտ Դավթյանի խոսքերով` բնակչության կողմից բնական գազի սպառման ծավալների նվազման պատճառով ազգային պարկի տարածքում ապօրինի ծառահատումների դեպքերը 1.5 անգամ ավելացել են, շինանյութի պահանջարկն ընկել  է, իսկ վառելափայտինն՝ ավելացել: 2010 թվականի ընթացքում ապօրինի ծառահատման 34 արձանագրություն է կազմվել, 247 խորանարդ մետր փայտանյութ է հատվել: Այս մասին ազգային պարկի տնօրենը հայտարարել է …