Արցախի Հանրապետության տարածքում հայտնվել է թշնամական ուժերի կողմից արձակված նոր զինատեսակ։ Այս մասին հայտնում է Արցախի արտակարգ իրավիճակների պետական ծառայությունը:
Ուսումնասիրությունից պարզվել է, որ այն այրող կասետային միջուկային զենք է` մոտ 40 սմ երկարությամբ, որի կիրառումը խաղաղ բնակչության ուղղությամբ արգելված է Ժնևյան և միջազգային կոնվեցիաներով։
Այս զինատեսակը նախատեսված է զանգվածային ոչնչացման և տարածքների հրկիզման համար։
Հիշեցնենք, որ արդեն երրորդ օրն է, ինչ ադրբեջանական զինված ուժերի սպիտակ ֆոսֆոր պարունակող զենքի կիրառման հետևանքով էլ վառվում են համայնքապատկան անտառային ծածկույթները, այն կազմում է ավելի քան 150հա տարածք:
Սպիտակ ֆոսֆորը չափազանց թունավոր է և ունի տհաճ, սխտորանման հոտ։
Դրա փոքր չափաբաժինն օդի հետ շփման արդյունքում նախ ձևավորում է սպիտակ ծուխ, այնուհետև բոցավառվում է։ Այդ առանձնահատկությունների շնորհիվ երբեմն այն անվանում են նաև «Սատանի տարր»։
Մանրամասները՝ տեսանյութում
.gif)
