Ուկրաինայի գլխավոր դատարանում նոր քրեական գործ է հարուցվել Վիկտոր Յանուկովիչի նկատմամբ. այդ մասին հայտնել է գլխավոր դատավորի պաշտոնակատար Օլեգ Մախնիցկին, գրում է ИТАР-ТАСС-ը:
«Յանուկովիչի ռուսաստանյան ելույթից հետո որոշում է կայացվել նոր քրեական գործ հարուցել նրա նկատմամբ` Ուկրաինայում սահմանադրական կարգը տապալելու փորձեր կատարելու համար»,-ասել է Մախնիցկին: Ամեն ինչ սկսվեց պատգամավոր Վալերի Կարպունցովի հայտարարությունից հետո, ով ասել էր, որ Յանուկովիչի տարածած հայտարարությունները վերը նշված հանցանքի տարրեր են պարունակում:
Հիշեցնենք, որ ավելի վաղ իր ելույթում Յանուկովիչը «ոչ լեգիտիմ» էր անվանել Ուկրաինայի ռադան և մայդանում կատարված դեպքերը որակել որպես արևմուտքի և ԱՄՆ-ի կողմից հրահրվող:
Հիշեցնենք նաև, որ փետրվարի 22-ին հետապնդում էր սկսվել Յանուկովիչի նկատմամբ. նրան մեղադրում էին մարդկանց կանխամտածված սպանության համար: Դրանից առաջ Ուկրաինայի խորհրդարանը դիմել էր Միջազգային քրեական դատարան՝ խնդրանքով՝ պատասխանատվության ենթարկել Յանուկովիչին, սակայն դատարանը պատասխանել էր, որ Ուկրաինան չի կարող դիմել իրենց՝ նախկին նախագահներին պատասխանատվության ենթարկելու խնդրանքով. պատճառն այն է, որ Հաագայի դատարանը զբաղվում է առանձին մարդկանց հետ կապ ունեցող իրավիճակների քննությամբ, ոչ թե գործողությունների:
.gif)
