Լեհաստանի վարչապետը հայտարարել էր, որ երկուշաբթի օրը ԵՄ-ը կկիրառի պատժամիջոցներ ՌԴ-ի նկատմամբ: ՀՀ էկոնոմիկայի նախարար Վահրամ Ավանեսյանը հայտարարել է, որ այդ պատժամիջոցներն իրենց ազդեցությունը կունենան ՀՀ-ի տնտեսության վրա: Armlur.am լրատվականի թղթակիցը փորձեց մեր նախարարներից պարզել ՝ արդյոք այդ պատժամիջոցները բացասաբար կազդեն մեր տնտեսության վրա:
ՀՀ ֆինանսների նախարար Դավիթ Սարգսյանը նախ ասաց, որ առաջին անգամ է լսում նման հայտարարության մասին: Երբ հիշեցրինք էկոնոմիկայի նախարարի տեսակետը, նախարարը մոռանալով վայրկանններ առաջ իր ասածը, թե առաջին անգամ է լսում դրա մասին, ասաց, որ այդ թեմայով արդեն հարցազրույց տվել է:
Էներգետիկայի նախարարն էլ ասաց, որ դա երկար պատասխանելու հարց է, իսկ ինքը այդ պահին մտնում էր դահլիճ:
ՀՀ սոցապ նախարար Արտեմ Ասատրյանն էլ ասաց, որ տեղյակ չէ այդ հայտարարության մասին:
«Ոտքի վրա պատասխանելու հարց չի»,- ասաց նախախարը:
Ինչ վերաբերում է ՀՀ էկոնոմիկայի նախարարին, ով այդ պահին Արտեմ Ասատրյանի ետևից էր գալիս և պատրաստվում էր մտնելու ԱԺ-ի դահլիճ ՝ հարց ու պատասխանին մասնակցելու, Արտեմ Ասատրյանն ասաց. «Ահա նախարարը,պատասխանեք»:
Իսկ Վահրամ Ավանեսյանը, լսելով իր անունն ու հարցադրումը, կես կատակ կես լուրջ ասաց. «Ոչ իհարկե (փորձեց Ասատրյանի փոխարեն պատասխանել մեր հարցին-խմբ.)»:
Գյուղնախարարն էլ հակիրճ պատասխանեց. «Առանձնակի ոչ մի հետևանք»:
.gif)
