Աֆղանստանի նախկին արտգործնախարար Աբդուլլա Աբդուլլան նախագահական ընտրություններում առաջատարի դիրքն է գրավում ներկա պահին, սակայն վերջնական հաղթանակի համար նրան պակասում են ընտրողների ձայների մեծամասնությունը: Այս մասին տեղեկացնում է Ռոյթերս գործակալությունը` հղում անելով Աֆղանստանի Անկախ ընտրական կոմիտեին:
Այս պահին, հաշվարկված են 34 մարզերից ընտրություններին մասնակցած բնակիչների ձայների 50 տոկոսը: Հաշվարկներով, ներկա պահին, Աբդուլլան առաջինն է 44 տոկոս ձայների քանակությամբ, նրան հաջորդում է նախկին Ֆինանսների նախարար Աշրաֆ Հանի Ախմադզայը 33.2 տոկոս ձայների քանակությամբ:
Ապրիլի 5-ին կայացած նախագահական ընտրություններին մասնակցել են 8 նախագահի թեկնածու:
Երկրի գործող ղեկավար Համիդ Կարզայն իր թեկնածությունը չի դրել, քանի որ երկրի սահմանադրությամբ արգելվում է երրորդ անգամ դնել թեկնածությունը նախագահական ընտրություններին:
Նյութը պատրաստեց Հայկանուշ Ալոյանը:
.gif)
