Թրաֆինքիգի հարցը` կառավարության նիստի օրակարգում

Հա­յաստանի Հանրապետու­թյան Ազգային ժողովի պատգամավորներ Հեղինե Բի­շար­յա­նի, Հովհաննես Մարգարյանի, Լևոն Դոխոլյանի և Իշխան Խաչատրյանի՝ օրենս­դրական նա­­խա­­ձեռ­նու­թյան կար­­գով ներ­­կայացրած «Թրաֆիքինգի (շահագործման)  ենթարկված անձանց օժանդա­կու­թյան մասին» Հայ­աստանի Հան­րապետության օրեն­քի նախագծի  (Պ-480-28.03.2014-ՄԻ-010/0) վե­րա­­բեր­յալ առաջարկը ՀՀ կառավարության կողմից արժանացավ հավանության:

Հայաստանի Հանրապետության կառավարությունը համակարծիք է ներկայացված նա­խագծի հեղինակների հետ՝ թրաֆիքինգի ենթարկված անձանց նույնականացման և աջակց­ման հետ կապված հարաբերությունները օրենքով կարգավորելու հարցում:

Այդ կապակցությամբ Հայաստանի Հանրապետության վարչապետի 2007 թվականի դեկտեմբերի 6-ի 861-Ա որոշ­մամբ ստեղծվել է Հայաստանի Հանրապետությունում մարդկանց շա­հագործման (թրա­ֆի­քին­գի) հարցերով խորհուրդ՝ Հայաստանի Հանրապետության փոխ­վար­չապետ, Հայաստանի Հան­րապետության տարածքային կառավարման նախարար Արմեն Գևորգյանի ղեկավա­րու­թյամբ: Վերջինիս՝ 2013 թվականի հունիսի 22-ի հանձնարարականի համաձայն Հա­յաստանի Հանրապետության ոստիկանությունը մշակել և շրջանառության մեջ է դրել «Մարդկանց թրաֆիքինգի կամ շահագործման ենթարկված անձանց նույնա­կա­նաց­ման և աջակցության մասին», «Վար­չա­կան իրավախախտումների վերաբերյալ Հայաստանի Հան­րա­պետության օրենս­գրքում լրացումներ կա­տարելու մասին» և «Օտարերկրացիների մա­սին» Հա­յաստանի Հան­րա­պե­տության օրենքում լրացումներ կա­տարելու մասին» Հայաստանի Հան­րա­պետության օրենք­ների նախագծերի փաթեթը՝ ոլոր­տի իրավահարաբերությունների ամբող­ջական կանո­նա­կարգման նպատակով:

Վերոհիշյալ նախագծերի փա­­թեթը դեռևս 2013 թվականի օգոստոսի 22-ին ներկայաց­վել է հանրային քննար­կում­նե­րի: Նախագծերի փաթեթը բազմիցս քննարկվել է նաև խորհրդին կից աշխատանքային խմբում, ինչպես նաև ուղարկվել է ԵԽ Մարդկանց շահա­գործ­ման (թրաֆիքինգի) դեմ պայքարի փոր­ձա­գիտական խմբի (ԳՐԵՏԱ) և ԱՄՆ պետ­դե­պար­տամենտի փորձաքննությանը:

Նախագծերի փաթեթն արդեն իսկ հավանության է արժանացել Հայաստանի Հանրա­պե­տության կառավարության 2014 թվականի ապրիլի 17-ի նիստում և ներկայացվել Հայաս­տա­նի Հանրապետության Ազգային ժողովի քննարկմանը:

Ելնելով շարադրվածից՝ Հայաստանի Հանրապետության կառավարությունը նախագծի հե­ղի­նակներին առաջարկում է համագործակցել Հայաստանի Հանրապետության կառավարության հետ մեկ միաս­նա­կան նախագծերի փա­թեթ Հայաս­տանի Հանրապետության Ազգային ժողովի քննարկ­մանը ներկայացնելու հա­մար: