Ինչպես արդեն Armlur.am-ը հայտնել էր, քիչ առաջ մեկնարկել է ՀՀԿ խորհրդի նիստը, որին մասնակցում է կուսակցության ողջ վերնախավը:
Մինչ նիստի մեկնարկը լրագրողները փորձեցին մի քանի հարց ուղղել Սյունիքի նախկին մարզպետ Սուրիկ Խաչատրյանին՝ հետաքրքրվելով, թե արդյոք նրան առաջարկվել է կրկին զբաղեցնել մարզպետի պաշտոնը:
«Նման բան ինձ ոչ մեկ չի առաջարկել, բայց դա ձեր բնավորությունն ա՝ էս մի տարի ա, որտեղ մի պաշտոն ազատվեց, ինձ ուղարկեցիք էնտեղ»,- նշեց նա:
-Իսկ եթե առաջարկեն, կցանկանա՞ք, – արձագանքեց լրագրողը:
-Խի՞ չեմ ցանկանա, – պատասխանեց նա:
Լրագրողի այն դիտարկմանը, թե սյունեցիներն ահ ու վախի մեջ են, որ ինքը կարող է կրկին վերադառնալ, Խաչատրյանը հակադարձեց.
-Բա դու խի՞ չես վախենում։
-Ես սյունեցի չեմ։
-Էդ սյունեցին վախենում ա, դու չես վախենում, հա՞։
– Ես ախալքալաքցի եմ, չեմ վախենում։
Այստեղ զրույցին միացավ Աշոտ Աղաբաբյանը (Բուռնաշ). «Է, ախրքյալաքցի ջան, հերիք ա «ցի» սարքեք էս ազգին, Հայաստանում «ցիերը» ամենավտանգավոր երևույթներն են, կա հայ ու Հայաստան, ու վե՛րջ, էդ ցիերից հեռո՛ւ մնացեք բոլորդ»:
.gif)
