Դորտմունդի «Բորուսիա»-ի ղեկավարությունը հաջորդ շաբաթ կհրապարակի թիմի նոր գլխավոր մարզչի անունը: Այդ մասին հայտնել է գերմանական ակումբի գործադիր տնօրեն Հանս Յոահիմ Վատցկեն:
«Մեր նոր մարզիչը գերմանալեզու մասնագետ կլինի, սակայն ես ցանկանում եմ միանգամից նախազգուշացնել, որ պետք չէ միակողմանի մտածել միայն Տուխելի մասին: Կարծում եմ, որ հաջորդ շաբաթ մենք կարող ենք հրապարակել մեր թիմի ապագա գլխավոր մարզչի անունը»,- նշել է Վատցկեն:
Նշենք, որ «Բորուսիա»-ի ներկայիս մարզիչ Յուրգեն Կլոպը հեռանալու է զբաղեցրած պաշտոնից ընթացիկ մրցաշրջանի ավարտից հետո:
.gif)
