Դամասկոսում Հայոց ցեղասպանության զոհերի հիշատակին հուշարձան կկանգնեցվի

Հայոց ցեղասպանության 100-ամյա տարելիցի կապակցությամբ Դամասկոսի Բաբ-Շարկի պատմական թաղամասում զոհվածների անուններով հուշարձան կկառուցվի:

Հիմնաքարի տեղադրման հանդիսավոր արարողությունը տեղի է ունեցել կիրակի օրը Սիրիայի մայրաքաղաքի պատմական հատվածում, գրում է ՌԻԱ «Նովոստին»:

Չնայած Սիրիայի մայրաքաղաքում անվտանգության սպառնալիքին ու ծայրահեղականների կողմից հնարավոր սադրանքներին` Օսմանյան Թուրքիայում 1.5 միլիոն զոհված հայերի պատվին հայ համայնքի ներկայացուցիչները ողջ պատմական քաղաքով մոմերը ձեռքներին քայլերթով հասել են ապագա հուշարձանի կառուցման վայրը: