Նորաստեղծ «Ալյանս» կուսակցության համագումարին մասնակցելու համար, եթե հրավերներ ուղարկվեն, ապա դրանք կլինեն բացառապես ընդդիմադիր քաղաքական ուժերին:
Այս մասին Armlur.am-ի հետ զրույցում ասաց կուսակցության հիմնադիր Տիգրան Ուրիխանյանը: Վերջինս, սակայն, տեղեկացրեց, որ քաղաքական ուժերին դեռևս հրավերներ չեն ուղարկվել: «Առայժմ քննարկում ենք նպատակահարմարությունը հրավերներ ուղարկելու: Բայց մի բան հստակ է` հրավերներ եթե ուղարկվեն, կլինեն բացառապես ընդդիմադիր քաղաքական ուժերին: Հանրապետական կուսակցությունից մարդ չի լինելու»,- նշեց Ուրիխանյանը:
Տեղեկացենք, որ «Ալյանս» կուսակցության գրասենյակը բացվել է Նալբանդյան 116 հասցեում: Հիշեցնենք` կուսակցության համագումարը տեղի կունենա մայիսի 16-ին:
.gif)
