Այսօր գիշեր ՌԴ նախագահ Վլադիմիր Պուտինն ու «Նորմանդյան քառյակ»-ի երկրների ղեկավարները (Գերմանիայի կանցլեր Անգելա Մերկել, Ֆրանսիայի նախագահ Ֆրանսուա Օլանդ և Ուկրաինայի նախագահ Պյոտր Պորոշենկո) հեռախոսազրույց են ունեցել, փոխանցում է RT-ն:
Հեռախոսազրույցի ընթացքում Դոնբասի իրավիճակի կարգավորման շուրջ քննարկում է անցկացվել:
Կրեմլի մամուլի ծառայությունում հայտնել են, որ Պուտինն ուկրաինական կողմից պահանջել է անհապաղ դադարեցնել կրակն ու անցնել կոնֆլիկտի կարգավորման խաղաղ գործընթացին:
Կոնֆլիկտի գոտում շարունակվում են մշտական կրակոցները, որոնց ենթարկվում են նաև բնակավայրերը: Բացի այդ, հաղորդվում է, որ «Նորմանդյան քառյակ»-ին է փոխանցվել Ռուսաստանի առաջարկները՝ կապված կոնֆլիկտի խաղաղ կարգավորման հիմնական ասպեկտներին:
Հիշեցնենք, որ երեկ Կրեմլում հայտարարել էին, որ կեսգիշերից հետո միջազգային զանգի են սպասում:
.gif)
