Ադրբեջանի նախկին նախագահ Այազ Մութալիբովը մեկնաբանել է վերջերս Հայաստանի առաջին նախագահ Լևոն Տեր-Պետրոսյանի՝ «Կենտրոն» հեռուստաընկերությանը տված հարցազրույցը:
Ադրբեջանի նախկին նախագահը կոչ է արել հաշվի առնել ներկայիս իրավիճակն ու սկսել ուղիներ փնտրել Ղարաբաղյան հակամարտության կարգավորման համար, փոխանցում է «Սպուտնիկ Ադրբեջան»-ը:
Նրա խոսքով՝ այսօր հասարակ ադրբեջանցիների և հայերի շրջանում ատելության ալիք չի նկատվում:
Մութալիբովն ընդգծել է, որ «վերջին շրջանում տարբեր մակարդակներով տարածքների վերադարձման մասին ամենատարբեր հայտարարություններն են արվում»: «Տեր-Պետրոսյանն ինքը բազմիցս ասել է, որ անհրաժեշտ է զիջումների գնալ և ԼՂ հակամարտությունը դիտարկել այնպես, որպեսզի այդ խնդիրը լուծում ունենա»,-ասել է Մութալիբովը:
Նա նաև հայտնել է, որ ծանոթ է Տեր-Պետրոսյանի հետ, շփվել է նրա հետ և ճանաչում է նրան որպես պրագմատիկ քաղաքական գործիչ:
.gif)
