Մարսելը կլինի Ֆրանսիայի առաջին քաղաքը, որը կհյուրընկալի «Փարիզ-2024» օլիմպիական խաղերի կրակը:
Աթենքից կրակը Միջերկրական ծովով կանցնի Եվրոպայի ամենահին եռակայմ նավերից մեկով՝ Le Belem (1896 թ.) և կհասնի Մարսելի նավահանգիստ։
Օլիմպիական կրակի փոխանցավազքը խորհրդանշում է խաղաղություն, միասնություն և բարեկամություն: Համաշխարհային սպորտի յուրաքանչյուր մարզահանդեսից առաջ Հունաստանի Օլիմպիայի Հերայի տաճարում՝ ի նշան հնագույն օլիմպիական խաղերի, տեղի է ունենում կրակի վառման արարողություն: Այն բոցավառվում է արևի ճառագայթներից:
Փոխանցավազքը կմեկնարկի 2024թ-ի գարնանը: Մարսելից հետո կրակը մի քանի շաբաթվա ընթացքում կանցնի ամբողջ երկրով:
Ի դեպ, Մարսելը խաղերի ընթացքում կդառնա երկու մրցաշարերի մրցավայր: Քաղաքի մարզադաշտում կանցկացվեն ֆուտբոլային հանդիպումներ, իսկ նավահանգստում՝ առագաստանավային սպորտի մրցումներ:
Փոխանցավազքի երթուղու մանրամասները կազմկոմիտեն կներկայացնի 2023թ. մայիսին: 34-րդ ամառային օլիմպիական խաղերը կանցկացվեն հուլիսի 26-ից օգոստոսի 11-ը
.gif)
