Հայրենիք է վերադարձվել ռազմագերի Գևորգ Մարտիրոսյանը. քանի տարվա ազատազրկում էր սպասվում նրան

Դեկտեմբերի 13-ին, 2020-2023 թվականների գերեվարված Հայաստանի Հանրապետության 31 զինծառայողներ, և սեպտեմբերին Արցախի Հանրապետությունում գերեվարված 1 զինծառայող հատել են հայ-ադրբեջանական սահմանը և գտնվում են Հայաստանում: 3 տարվա գերեվարումից հետո հայրենիք է վերադարձվել նաև Գևորգ Մարտիրոսյանը, որը գերեվարվել էր 44-օրյա պատերազմից հետո՝ դեկտեմբերի 13-14-ին:

Գևորգ Սամվելի Մարտիրոսյանի դատավարությունն ընթացել էր Բաքվի վերաքննիչ դատարանում՝ Ֆաիգ Գանիեւի նախագահությամբ: Նրան մեղադրանք էր առաջադրվել 318.2-րդ հոդվածով, այն է՝ «խմբի կազմում նախնական համաձայնությամբ Ադրբեջանի Հանրապետության պետական սահմանն ապօրինի հատելը», և 228.3-րդ հոդվածով՝ «կազմակերպված խմբի կողմից զենքի, դրանց բաղադրամասերի, զինամթերքի, պայթուցիկ նյութերի և պայթուցիկ սարքերի ապօրինի ձեռքբերում, փոխանցում, վաճառք, պահպանում, փոխադրում կամ կրում»: Մեղադրանքի համար դատարանի դատախազը նրան դատապարտել էր 7 տարվա ազատազրկման, սակայն իբրև դատավորը պահանջը չի բավարարել և 6 տարվա ազատազրկման է դատապարտել: Ըստ դատավորի կայացված որոշման՝ Գևորգ Մարտիրոսյանը և նրա հետ գերեվարվածները պատիժը կրելուց հետո պետք էր լքեին Ադրբեջանի տարածքը:

Գևորգ Մարտիրոսյանը ծննդով Շիրակ մարզի Գյումրի քաղաքից է: