ՏԵՍԱՆՅՈՒԹ․ Գործադուլ՝ Վրաստանում. ակտիվիստները նոր ընտրություններ են պահանջում

Վրաստանում երեկ մի շարք խանութների, սրճարանների, հիվանդանոցների, բանկերի աշխատակիցներ գործադուլ են հայտարարել։ Գործադուլի մասնակիցներն իրենց բողոքի ձայնն են բարձրացնում իշխող «Վրացական երազանք» կուսակցության վարած քաղաքականության դեմ և պահանջում են նոր ընտրություններ անցկացնել, ինչպես նաև ազատ արձակել վերջին ցույցերի ընթացքում ձերբակալվածներին։

Գործադուլին աջակցել են նաև մի շարք ընկերություններ ու կազմակերպություններ։

Ավելի ուշ տեղեկություններ ի հայտ եկան այն մասին, որ անհայտ անձինք հարձակվել են գործադուլի մասնակիցների վրա, ինչպես նաև՝ ցուցարարների մի մասը սկսել է շարժվել դեպի խորհրդարան։

Կազմակերպիչների խոսքով՝ սա դեռ «նախազգուշական» ակցիա էր, պահանջը չկատարվելու դեպքում՝ ավելի է թեժանալու իրավիճակը:

Մանրամասները՝ տեսանյութում։

Էմմա Միքայելյան