Իրանցի բանակցողների պատվիրակությունը ուրբաթ երեկոյան ժամանել է Իսլամաբադ, որտեղ շաբաթ օրը սպասվում է Իրանի և ԱՄՆ-ի միջև բանակցություններ, հաղորդում է The Guardian-ը։
Թերթի տվյալներով՝ իրանական պատվիրակությունը գլխավորում է խորհրդարանի խոսնակ Մոհամմադ Բաղեր Ղալիբաֆը։
Իսլամաբադ է ժամանել նաև Իրանի արտաքին գործերի նախարար Աբբաս Արաղչին։
Բացի այդ, բանակցողների թվում են քաղաքական, տնտեսական և ռազմական հարցերի մասնագետներ։
Ավելի վաղ իրանական կողմը զգուշացրել էր, որ ԱՄՆ-ի հետ բանակցություններ կսկսվեն, եթե կատարվեն մի շարք պայմաններ, մասնավորապես, եթե Իսրայելը համաձայնի դադարեցնել Լիբանանում «Հեզբոլլահ» խմբավորման վրա հարձակումները։
.gif)
