Իսրայելի ռազմաօդային ուժերի ինքնաթիռները հարձակվել են Լիբանանի հարավում գտնվող Սաիդա քաղաքի մոտ գտնվող Սաքսակիա գյուղի վրա, որի հետևանքով զոհվել է ինը և վիրավորվել 15 մարդ։ Այս մասին հայտնել է երկրի առողջապահության նախարարությունը։
«Հրթիռային հարվածը թիրախավորել է սահմանամերձ շրջաններից փախստականների մի ընտանիք։ Բոլոր անդամները, այդ թվում՝ երեք երեխա, զոհվել են», – նշվում է հայտարարության մեջ։ «Զոհերի և վիրավորների թիվը կարող է աճել, հաշվի առնելով, որ փրկարարները շարունակում են մաքրել ավերակները»։
Շաբաթ օրը Իսրայելի ռազմաօդային ուժերը մի շարք հարձակումներ են իրականացրել շիա աշխարհազորային «Հըզբոլլահ»-ի հենակետերի վրա՝ Նաբաթիե, Սաիդա և Տյուրոս հարավային քաղաքների մոտ։ Այս շրջանների բնակիչները նախապես զգուշացվել էին Իսրայելի հրամանատարության կողմից սպասվող ռմբակոծությունների մասին և տարհանվել երկրի հյուսիս։
.gif)
