Հայաստանի անշարժ գույքի շուկան, լինելով տնտեսության ամենազգայուն և կապիտալատար ոլորտներից մեկը, տևական ժամանակ գտնվում է հանրային քննարկումների կենտրոնում: Այդուհանդերձ, ոլորտում առկա տվյալների ոչ բավարար համակարգվածությունը հաճախ հանգեցնում է տեղեկատվական ասիմետրիայի, երբ շուկայի պրոֆեսիոնալ խաղացողներն ու շարքային քաղաքացիները հայտնվում են անհավասար պայմաններում:
Որոշումներ կայացնելիս հանրությունը հիմնականում հենվում է հայտարարությունների հարթակների առաջարկի գների վրա, որոնք հաճախ արտացոլում են սուբյեկտիվ սպասումներ, այլ ոչ թե շուկայական իրական պատկերը: Այս խնդրի լուծման և հանրությանը փաստահեն տվյալներով ապահովելու նպատակով «ԿՈՄՈ» ընկերությունը գործարկել է անշարժ գույքի վիճակագրության բաց հարթակ՝ komo.am/stats։ Իրական գործարքների տվյալների բազա Հարթակի հիմնական առանձնահատկությունը բացառապես կատարված և արձանագրված իրական գործարքների վիճակագրության կիրառումն է: Սա հնարավորություն է տալիս զտել արհեստական գործոնները և տեսնել շուկայի փաստացի դինամիկան:
Օգտատերերի համար հասանելի են հետևյալ գործիքներն ու տվյալները. Ամբողջական աշխարհագրական ընդգրկվածություն. Վիճակագրությունը ներառում է ինչպես Երևանի բոլոր վարչական շրջանները, այնպես էլ ՀՀ բոլոր մարզերն ու քաղաքները, ինչը թույլ է տալիս գնահատել նաև մարզային շուկաների ակտիվությունը: Գույքի տեսակների տարանջատում. Համակարգը ներառում է ոչ միայն բնակարանային ֆոնդը, այլև առանձնատների, հողատարածքների, կոմերցիոն ու արտադրական տարածքների և ավտոտնակների վերաբերյալ տվյալները:
Ակտիվության ժամանակագրություն. Գրաֆիկական լուծումների միջոցով հնարավոր է հետևել գործարքների քանակի փոփոխություններին վերջին տարիների կտրվածքով և կատարել համապատասխան եզրահանգումներ: Սոցիալ-տնտեսական նշանակությունը. Տվյալների հանրայնացումն ու նմանօրինակ բաց գործիքների հասանելիությունը կարևոր քայլ է սպառողների շահերի պաշտպանության տեսանկյունից: Երբ քաղաքացին ունի հավաստի տեղեկատվություն կոնկրետ համայնքում ձևավորված իրական պատկերի մասին, էականորեն նվազում է շուկայական մանիպուլյացիաների կամ սխալ գնահատված գործարքների ռիսկը: Շուկայական թափանցիկության ապահովում Անշարժ գույքի ոլորտում թվային թափանցիկության բարձրացումը նպաստում է ընդհանուր շուկայի կայունացմանը և կանխատեսելիությանը: Այն թույլ է տալիս զերծ մնալ տեղեկատվական վակուումով պայմանավորված անհիմն գնային տատանումներից:
Ըստ նախագծի հեղինակների՝ հարթակը հետագայում շարունակաբար զարգանալու է՝ ներառելով նաև այլ օժանդակ տնտեսական համադրումներ, սակայն ներկա փուլում ևս այն ապահովում է անհրաժեշտ բազան՝ շուկայի անաչառ վերլուծության համար: Հայաստանի անշարժ գույքի շուկայի վիճակագրությանը և գործարքների դինամիկային կարող եք ծանոթանալ komo.am/stats կայքէջում։
.gif)
