«Կռիվներն իմ մեջ ահավոր շատ են` նախարար, դասախոս, այլ մարդիկ…»:

Իհարկե, կռիվներ մարդու երկու եսերի մեջ լինում են: Բայց ֆինանսների նախարարի մեջ դրանք կարծես թե շատ են: Ու կռիվների հանրագումարում էլ ծնվեց Վաչե Գաբրիելյան հանրապետականը: Թեեւ չի բացառվում, որ կուսակցական դառնալուց հետո եւս մի կռիվ ավելացավ այդ հակասական էության մեջ: Թե երբ կխաղաղվի նրա հոգին, դժվար է ասել, քանի որ առաջիկայում նա պետք է առավել ակտիվ լծվի իր համար գաղափարապես լրիվ օտար մի կուսակցության քարոզարշավին, որտեղ թիվ մեկ պահանջը պետք է լինի ստելու ֆանտաստիկ կարողությունը: Այնպես որ, Վաչե Գաբրիելյանի մեջ ապրող «տարբեր մարդկանց» ծանր օրեր են սպասվում: