Անվճար գիտական ամսագիր Մեծ Բրիտանիայում

Բրիտանական Wellcome Trust-ը՝ աշխարհում խոշորագույն բարեգործական հիմնադրամներից մեկը, հայտարարել է նոր գիտական eLife ամսագրի թողարկման մասին, որն անվճար կտարածվի համացանցով: Անվճար գիտական ամսագրի թողարկման գաղափարն առաջացել է այն բանից հետո, երբ ավելի քան 9000 գիտնականներ են ստորագրել դիմումի տակ` բոյկոտելով բժշկության ու կենսաբանության մասին հրատարակությունները, որտեղ սահմանափակ է տեղեկատվության նկատմամբ անվճար մատչումը:  Նոր հրատարակությունը , ըստ հիմնադրամի ղեկավարի, կոչված է փոխել ստեղծված վիճակը: