Նախնական տվյալներով, Արցախի խորհրդարանական ընտրություններում 5%-ի շեմը հաղթահարել է առաջադրված 7 կուսակցություններից 5-ը: Այս մասին հայտնում է ԼՂՀ ԿԸՀ նախագահ Սրբուհի Արզումանյանը:
Նա նշեց, որ առավելագույն ձայն ստացել է «Ազատ հայրենիք» կուսակցությունը: Ներկայիս իշխող կուսակցությունը ստացել է 32 հազար 632 ձայն կամ ընդհանուր ձայների 47,35%-ը: «Արցախի ժողովրդավարական կուսակցության» օգտին քվեարկել է 13 հազար 105 մարդ կամ ընդհանուր թվի 19.1 %-ը, «Հայ հեղափոխական
դաշնակցություն» կուսակցությունը երրորդն է: Նրանց օգտին քվեարկել է 12 հազար 965 մարդ կամ ընդհանուր թվի 18,81 %-ը:
«Շարժում 88» կուսակցությունը ստացել է 4 հազար 777 քվե կամ 6,93 %, «Ազգային վերածնունդ» կուսակցությունը ստացել է 3 հազար 709 քվե կամ 5,38 %: Երկու կուսակցություն` ԼՂՀ «Կոմունիստական կուսակցությունն» ու «Խաղաղություն և զարգացումը» չեն հաղթահարել 5%-ի շեմը: Կոմունիստները ստացել են 1136 ձայն կամ 1,65 %, իսկ «Խաղաղություն եւ զարգացում» կուսակցությունը` 591 ձայն կամ 0,86 %:
Նախնական տեղեկություններին կարող եք ծանոթանալ նաև հետևյալ հղմամբ:
.gif)
