Գնահատման և թեստավորման կենտրոնը հստակեցրել է բուհական ընդունելության քննությունների ժամանակացույցը: Դրանք մեկնարկելու են հունիսի 1-֊ին, ավարտվելու են հունիսի 21-ին: Հուլիսի 16-ին պետք է եզրափակվի ողջ գործընթացը: Առաջին միասնական քննությունը հունիսի 1-ին անցկացվելու է ռուսաց լեզու առարկայից: Հունիսի 4-ին կազմակերպվելու է հայոց լեզու և գրականություն առարկայի քննությունը: Հունիսի 7-ին դիմորդները քննություն կհանձնեն կենսաբանություն, աշխարհագրություն և ընդհանուր պատմություն առարկաներից: Մաթեմատիկայից քննություն կանցկացվի հունիսի 11-ին, օտար լեզու առարկայից` հունիսի 14-ին, ֆիզիկայից` հունիսի 18-ին: Վերջին քննությունը կլինի հայոց պատմություն և քիմիա առարկաներից` հունիսի 21-ին: Քննությունների հիմնական այս փուլից բացի լինելու է նաև լրացուցիչ փուլ: Իսկ արդեն հուլիսի 16-ի դրությամբ պետք է հրապարակված լինեն մրցույթի արդյունքները:
.gif)
