Արևմտյան ԶԼՄ-ները պատմել են հոլիվուդյան հայտնի դերասան Լեոնարդո ԴիԿապրիոյի ռուս նմանակի մասին: «Դիմավորեք, ռուս Լեո»,-գրում է Access Hollywood-ը:
Ինչպես նշում է պարբերականը՝ նոր հերոսի մասին սոցցանցերին դեռևս ոչինչ հայտնի չէ:
Ռուս նմանակը գրավել է նաև GQ ամսագրի ուշադրությունը: Ամսագիրը հարց է ուղղում, թե ով է այդ մարդը և ինչով է զբաղվում:
Lifenews-ը զրուցել է դերասանի ռուս նմանակի հետ, ում լուսանկարը հաշված օրերի ընթացքում տարածվել է ողջ համացանցում և հայտնվել առաջատար լրատվամիջոցների էջերին:
Ռոման Բուրցևը ապրում է Պոդոլսկում: Նա պատմում է, որ նախկինում իր շրջապատում չէին նկատում դերասանի հետ իր նմանությունը: Նա ևս, նայելով հայելու մեջ, երբեք չէր մտածել, որ մի օր հայտնի կդառնա:
ԴիԿապրիոյի ռուս նմանակն ասել է, որ այժմ փնտրում է իր երկրորդ կեսին և երազում է նկարահանվել կինոյում:
.gif)
